今晚世盃16强头场，日本火并「格仔军」克罗地亚。「蓝武士」连挫两大前世盃盟主德国及西班牙，信心爆棚，老迈嘅克罗地亚避免硬碰硬，势必用控球打法拖慢节奏，稳阵行先唔慌多波入，宁捧2.5球细盘。(Now 618及616周一晚11时直播)

日本今届世盃表现热血到晕，喺E组录得2胜1负，继首轮爆冷击败德国後，上仗落後下反胜西班牙2比1，更力压呢两支欧洲劲旅获首名出线，犹如漫画《足球小将》剧本，尽显无穷斗志。当然，主帅森保一唔系傻到相信麾下系劲过「西德」，佢有策略地喺初段打消耗战，留前斗後，去到下半场先换入三笘薰等搏杀，单计上仗斗西班牙，控球率只得17.7%，创下世盃史上最少控球赢波纪录。

克罗地亚睇定嚟食

上届亚军克罗地亚表现唔错，喺F组录得1胜2和获次名出线，但要留意，莫更多分析请浏览华体网sportscn.com迪历、比列锡、波索域等主力都年纪唔细，无可避免踢「老鬼波」，明知日本活力十足，突击又煞食，经验丰富嘅「格仔兵团」梗系稳阵至上，以控球为主唔畀对手有更多空位，睇番佢哋今届3场分组赛，就有两仗互交白卷，可见一斑。「格仔兵团」近4仗有3次开2球或以下，加上双方近两次碰头，亦全开2球或以下，淘汰赛场合料会更加谨慎，2.5球入球细有计。