喺英联盃杀入16强嘅曼联，乘勇返回联赛抢分，作客富咸不胜无归！富咸今季「遇强即更多分析请浏览华体网sportscn.com屈」，斗前4球队全部输晒，曼联要争欧联入场券，当然唔想失威，佢哋近4次斗富咸获3胜1和，客W有1.65倍玩得过。（Now 621及611周一凌晨零时30分直播）

表现复苏嘅曼联，上轮联赛斗维拉大意失3分，不过佢哋好快就已经复仇成功，上周中英联盃第3圈成功以4比2赢波，养伤一段时间嘅安东尼马迪尔更加搵到入波。红魔鬼各项赛事近11场8胜2和，仅输1场。

领队坦哈格已经搵到管理球队最佳方法，佢不时转换阵容，畀唔同球员上阵，除咗防止球员因冬季世盃搞到赛程紧密而过分劳累，亦激起球员斗心，一上场就博表现争取正选，据报今场後防会用哈利马古尼夥拍利辛度马天尼斯，前锋线就会续用安东尼马迪尔。

富咸对前列球队全败
富咸今季表现其实算唔错，喺葡萄牙领队马高施华带领下，依家仅落後少踢一场嘅曼联4分排第9，系3支升班球队成绩最好一队，可惜佢哋今季「遇强即屈」，对现时前4球队阿仙奴、曼城、纽卡素及热刺全败，好似上周斗曼城，以为可以1比1完场，最终都要畀艾宁夏兰特补时入波搞掂，队波条命生成畀强队恰。

今场富咸塞尔维亚射手阿历山大米祖域因伤倦勤，仲有後防大将坚尼迪迪同夏里逊列特缺阵，即使喺卡云小屋球队出击都难睇好。加上曼联对富咸往绩占优，近4次交手获3胜1和，曼联今场赢波，就可以继续紧贴前4，喺世盃前稳守靓位，等圣诞新年快车发力，3分志在必得。