世界盃前德甲最後一轮赛事，慕逊加柏周六凌晨主场迎战多蒙特，两队周中快车同告输波，今场当然希望喺进入休战期前重响胜鼓。加上两队踢法都系重攻轻守，慕逊加柏更锺意早段抢攻，今仗一於博1.5球半场大。

（周六凌晨3时30分开赛）

多蒙特比赛初段易失波

「蜜蜂兵团」近期状态唔差，两大新人王尤素法莫高高同祖迪比宁咸频频有波入，近4场联赛攻入10球火力大爆发，不过多蒙特嘅防守都几唔可靠，近5场联赛作客狂失11球，当中有3球系喺开波10分钟之内被攻入，反映球队早段集中力有问题，防守差系多蒙特未能拎到更好成绩嘅主要原因。

慕逊加柏今季贯彻抢攻踢法，近8场比赛都有入波兼失球，以马古斯杜林为首嘅锋线踢法抢缰，比赛早段即放开包袱狂攻对手，尤其系主场球迷打气下更不顾一切，慕逊加柏近4仗主场，半场总入球全开2球或以上，今仗博2倍嘅1.5球半场大好路。