周六凌晨德乙大战，联赛「1哥」汉堡作客下游分子圣保利，两队实力有一定差距，以重返德甲为目标嘅汉堡会火力全开，延续今季作客全胜嘅骄人走势，今仗捧客W稳阵！

（on.cc东网周六凌晨零时30分直播）

连续5场作客赢晒

汉堡自2018年首次降班德乙后，争升班之路好似撞邪一样，过去4年都系「差少少」，上季就喺升降班附加赛饮恨。今季汉堡决心十足，开季已经挞着晒，近6场联赛5胜1和，佢哋今季最成功嘅地方，系作客表现非常优秀，5场联赛作客全部赢晒，而且每场至少攻入两球，射手基列素更加系弗到冇朋友。

相反圣保利走势令人担心，佢哋已经两个月未试过赢波滋味，对上7场联赛4和3负，上场对住同级嘅布伦瑞克都输波，今场汉堡有力打落水狗，客胜在望。