今日同大家研究一场墨超，祖亚雷斯主场迎战普马斯。两队都排下游位置，争入首阶段季後赛机会不大，但都会尽力争取较高名次，普马斯签入丹尼尔後成绩并无改善，特别系防线失球数字高企，佢哋近4仗全开3球或以上，拣中位文章摘自华体网数2.5球入球大好路。
（周六早上10时开赛）
因为前巴塞球星丹尼尔加盟，令普马斯成为大众焦点之一，查实佢哋近年成绩唔错，前季首阶段排第2，并杀入季後赛决赛得亚军，上季亦喺首阶段季後赛打入4强，不过今季成绩下滑，仅得2胜8和6负排下游，16仗失28球，成绩差相信同失球太多有关。
丹尼尔加盟後表现一般
39岁嘅丹尼尔今夏加盟普马斯绝非养老，而系争取上阵，为入选巴西世盃大军尽最後努力，佢喺巴塞同巴西踢右闸，但佢级数高，喺普马斯就变成踢中场中，不过佢加盟12场都冇波入，球队亦输多赢少，仅得1胜。
祖亚雷斯近年徘徊联赛下游，上季次阶段更沦为榜尾，今季唔使包尾已经有进步，佢哋上次主场2比1赢前列分子帕丘卡，今仗食过翻寻味势必强攻对手，应该会多波入。
