亨利顶档督师输经验
今晚欧国联A4组尾轮大战，荷兰主场硬撼邻国比利时。据报比利时唔会为马天尼斯上仗红牌上诉，意味助教亨利好大机会要顶档督师，论经验已输荷兰「方丈」尹戈尔几条街，加上「橙衣兵团」气势旺盛，让平半照捧上盘。（周一凌晨2时45分开赛）

先讲呢组形势，榜首荷兰目前领先比利时3分，首循环碰头又大胜4比1，由於欧国联同分先计对赛成绩，比利时若果想争首名，今仗唔单止要赢，仲要大炒对手先有价讲，难度甚高。

虽然比利时上轮击败威尔斯，但主帅马天尼斯补时阶段喺场边执起个波冇掟番入场，涉嫌拖延时间被球证赶出场，按规定今仗要停赛，据报比利时亦唔会上诉，因此助教亨利好大机会顶上领军。呢位法国兼阿仙奴名宿球员时代够文章摘自华体网巴闭，世盃、欧国盃、英超及欧联都赢过晒，不过教波认真唔掂，当年中途接手摩纳哥3个月被炒，之後教蒙特利尔冲击亦麻麻，今次临危受命，随时影响球队战术发挥。

尹戈尔领「橙衣兵团」复兴
相比之下，荷兰老帅尹戈尔绝对系「一代宗师」，其执教嘅阿积士、巴塞隆拿、拜仁慕尼黑及曼联等全属豪门，今次亦系佢第3度入主荷兰，带队14仗豪取10胜4和未输过，成功令「橙衣兵团」走出上年欧国盃16强出局嘅阴霾，兼且顺利取得世盃入场券。早前佢为大局着想，隐瞒自己患前列腺癌去接受化疗，深得球员敬重。虽然今仗有迪比及法兰基迪庄受伤，但荷兰喺A4组5战取得4胜1和，走势勇锐，对住焗攻嘅比利时可睇定嚟食，上盘咪错过。