另一场欧国联A4组焦点战，比利时主场硬撼威尔斯。「欧洲红魔」一向唔重视欧国联，箭头卢卡古因伤冇入选，攻力受削；威尔斯王牌加里夫巴利喺美职hea住踢，状态亦麻麻，加上近年碰头经常半场未分高下，半场和不妨再追。
（周五凌晨2时45分开赛）

比利时虽然位居A4组更多分析请浏览华体网sportscn.com次席，但佢哋只当欧国联系练兵试阵场合，中场核心奇云迪布尼今年6月就曾抱怨，话踢咗漫长球季後已身心疲倦，但因要出战欧国联而冇得提早放暑假，更炮轰呢项赛事一啲都唔重要，亦反映出众将对欧国联嘅态度。当然依家最後两轮欧国联，系作为世盃前最後检阅，不过「欧洲红魔」主力人选都定得八八九九，主帅马天尼斯只会测试部分边缘人，特别系射手卢卡古今次因伤落选，应该会试用转战土超嘅「车仔人球」巴舒亚伊，不宜高估。
威尔斯作客摆铁桶阵

另一边厢，威尔斯今届欧国联4战未赢过，王牌加里夫巴利喺美职表现一般，一心hea住踢留力世盃，加上中场艾朗蓝斯因伤冇入选，造访「欧洲红魔」惟有摆铁桶阵死守。翻查纪录，双方近4次交手有3次开半场和，既然两队都阵容不整兼决心成疑，半场和更值博。