今晚欧霸盃A组，瑞士球队苏黎世主场斗英超阿仙奴，苏黎世联赛成绩一般，但踢欧霸盃表现醒神，要赢佢哋唔系咁易。阿仙奴上仗英超不敌曼联，5连胜走势断缆，难免打窒道气，加上今场可能轮换阵容，不宜高估。睇番阿仙奴近5场欧霸盃，有4场总入球系3球或以下，宁博中位数3.5球嘅入球细。（Now 643周五凌晨零时45分直播）
苏黎世欧战够硬净
苏黎世喺瑞士超7战仅得2和5负仲未开斋，不过佢哋转战欧洲赛往往有超水准演出，由外围赛计起，今届欧霸盃4战全胜只失一球，sportscn.com亮丽战绩支持之下，主场出击加埋球迷打气，球员信心倍增。不过佢哋整体实力始终唔及阿仙奴，预料会采取稳守突击，以不败做目标。
阿仙奴英超开季一度5连胜，直至上仗作客1比3不敌曼联，先至断缆。其实「兵工厂」季初大部分对手实力较弱，佳绩背後存在「水分」，加上佢哋踢欧霸盃惯常以副选应战，未必占有太大优势，就算赢波估计都系小胜居多，客Ｗ太热冇肉食，博入球细更划算。
