簡奴外號叫「笨小孩」係源於1999年2月阿仙奴迎戰錫菲聯場足總盃第五圈賽事。喺阿仙奴與錫菲聯打成1:1嘅時候，當時加盟咗「兵工廠」唔夠一個月嘅簡奴，毫不知情咁喺敵將受傷嗰時繼續進攻，傳埋畀奧華馬斯射入奠勝。賽後阿仙奴基於體育精神，同錫菲聯重賽，結果都係以2:1勝出。由於當年由劉德華、柯受良及吳宗憲主唱嘅國語歌《笨小孩》大紅，所以簡奴就有咗「笨小孩」呢個外號。