来源华体网 今个国际赛期最後一轮欧国联，法国今晚喺A1组主场火并克罗地亚。法国虽然喺小组暂时垫底，不过佢哋主场威力强劲，而且踢埋今仗就放假，球员可以尽力拚搏；克罗地亚上场打开胜利之门，食住个势同法国斗攻，拣2.5球入球大。■（周二凌晨2时45分开赛）

法国上场踢和奥地利1比1，3战2和1负排包尾，领队迪甘斯受访时态度轻松，相信今仗胸有成竹。事实上，上场迪甘斯将基利安麦巴比放喺後备，畀呢名巴黎圣日耳门前锋抖抖，佢後备上阵亦交到货，唔单止入波追和，仲曾经起脚中楣，否则法国会反胜，状态「托弗」。迪甘斯摆明将麦巴比悭住用，麦巴比喺国家队入球效率奇高，对奥地利入嘅一粒，喺佢近5次为法国队後备入替嘅比赛中，射入嘅第5球。今场「高卢雄鸡」有主场之利，肯定打高一班，佢哋近4次主场出击，全部开3球或以上，证明喺球迷打气下唔会缩後踢。

克罗地亚开斋唔怕斗攻
克罗地亚赛前被指喺A1组最弱球队，但上场作客1比0击败榜首嘅丹麦，喺今届欧国联「开斋」，今场乘胜追击，莫迪历肯定搏埋条老命同法国死过。事实上，踢完今场大家都可以开心抖暑，无後顾之忧下，可望合演入球骚，2.5球入球大万勿错过。