今晚展开U23亚洲盃8强赛事，头场澳洲U23硬撼土库曼U23。澳洲为冠军而来，不过佢哋向来守强攻弱，面对斗志顽强嘅土库曼难占甜头，加上淘汰赛先求稳阵，博2.5球入球细最上算。

（周六晚9时开赛）

澳洲喺B组以2胜1和首名出线，主打4-5-1阵式防守效率甚高，富咸中场泰列斯法兰斯高控制节奏出色，3场分组赛只失一粒，近4场全开2球或以下，不过今仗有前锋夏蒙特坐波监，锋力受削。土库曼今届首度跻身决赛周即杀入8强，佢哋喺A组以次名晋级，近两仗都喺先落後情况下凭斗志反胜及追和。土库曼自知实力稍逊，今仗必死守再博偷鸡，入球细有计。

乌兹别克抢缰吼第一队入球

尾场东道主乌兹别克U23火并伊拉克U23。乌兹别克喺A组头两轮全胜，提早锁定首名出线席位，尾轮收起多名主力仍以1比1打和ｓｐｏｒｔｓｃｎ．ｃｏｍ伊朗，留晒力今场搏杀。乌军喺呢3仗全部先开纪录，其中两仗更於上半场已取得领先优势，甚为抢缰。伊拉克於B组头两轮全和，尾轮反胜科威特3比1，惊险以次名晋级，可惜佢哋防守同集中力麻麻，3轮分组赛全部都先失波，乌兹别克「第一队入球」可敲。

（周日凌晨零时开赛）