周六凌晨上演德国附加赛首回合，德丙「3哥」凯沙罗顿，主场迎战德乙尾三嘅特雷斯登。凯沙罗顿季尾表现回落，最近仲炒埋教练，队内士气明显受影响；相反特雷斯登实力占优，加上往绩食住对手，唔计热身赛，近3次交手全胜，今场仲有得受让，下盘不容错过。（on.cc东网周六凌晨2时30分直播）
特雷斯登守得两嘴
凯沙罗顿季尾连输3场，痛失原本手到拿来嘅直接升班资格，只能以第3名转战附加赛，作为今季德丙失波最少嘅球队，近3场竟然失咗7球咁多，状态令人担忧。另外球队最近仲宣布辞退教练安特普，由舒斯特顶替，虽然呢位德国新帅曾经喺2014/15球季，带领达斯泰特升上德甲，有番咁文章来源华体网华体网(sportscn.com)上下实力，不过临阵换帅一向被视为大忌，要睇吓一班球员适唔适应到。
特雷斯登今季由德丙升上德乙，表现唔算合格，上场煞科战主场出击不敌尾二嘅奥厄，不过由於一早已经笃定要踢附加赛，呢场明显留晒力。球队踏入2022年，16场联赛虽然未尝一胜，不过当中有好多都系和波，要赢佢哋唔系咁容易。特雷斯登虽然系护级分子，不过防守力唔算太差，今季失球数字只系比榜首史浩克04多两球，只系攻力较弱，今场附加赛肯定做好防守，再博偷鸡，作客受让玩得过。
