备战欧联试阵为先
周六凌晨西甲最後一轮戏码，皇家马德里主场迎战贝迪斯。早早锁定西甲冠军嘅皇马，近期联赛频频派副选出战，贝迪斯防守硬净，半力出战嘅「银河舰队」未必能够於开赛早段抢得先机，捧半场和好过。
（Now 632及611周六凌晨3时直播）
今季提前重夺西甲冠军嘅皇马，早前已经喺马德里举行胜利大巡游，同球迷分享喜悦，呢场系「银河舰队」今季最後一次地头出击，庆祝派对当然唔可以畀佢停。
贝迪斯近6仗作客开半和
不过嚟紧皇马仲有场非常重要嘅比赛，就系喺欧联决赛恶斗利物浦，近几轮联赛例行公事，就成为佢哋备战嘅好机会，捷西斯华利祖等出场机会较少球员，近仗经常获派上阵，一方面等宾施马等主力有更多机会养精蓄锐，另一方面领队安察洛堤亦积极试阵，尝试唔同球员配搭。半力出战下，皇马上场就被护级分子卡迪斯逼和1比1，今场攻力亦不宜高估。
贝迪斯今季勇夺西盃，亦已锁定来届欧霸席位，表现已经收晒货。佢哋季尾防守出色，近6场作客法定时间只失过1球，全部半场都同对手打和。值得留意，球队近4次作客皇马保持不败，而且4次都保住清白身，相更多分析浏览华体网信今场要应付皇马攻势问题不大，半场和值得再追。
