降班，对英超球队来说，不单止系荣辱问题，更加系为「荷包」而战，单单赛会提供嘅转播费就以千万计，仲有门票、赞助同商品价格都要「降呢」，英超球队降班损失文章来源华体网华体网(sportscn.com)超过1亿镑（约9.7亿港元），爱华顿同般尼今晚都要为护级而奋战，否则就付出沉重代「价」！
今晚英超补赛上演护级关键战，爱华顿主场迎战水晶宫。「拖肥糖」上仗人少打人多下反胜为败，防守错漏百出，嚟到护级重要关头必定小心翼翼；水晶宫正宗风流波唔慌会搏，近期入波亦唔多，不妨向2.5球嘅细盘埋手。

（Now 621周五凌晨2时45分直播）
向来崇尚进攻嘅爱华顿主帅林柏特，眼见护级形势危殆亦要妥协，决定改打5人防线，连同门将比克福特连番神救，确实令早前穿晒窿嘅防线及时巩固，一度缔造3胜2和1负、狂抢11分之势头，近7仗5次开2球或以下。「拖肥糖」上仗对住宾福特，早早先开纪录形势大好，点知19岁中坚班夫韦迪上半场拉跌单刀嘅艾云东尼食红牌，另一後衞史密斯高文又摆乌龙，末段仲有後备前锋荷西朗顿被逐，最终反输2比3冇分落袋，搞到「林伯」冇眼睇。

吸取教训防线必更谨慎
老实讲，爱华顿上仗输波同早早以寡敌众有关，吸取教训後，相信今仗防守时会更加谨慎。虽然中坚米克坚尼可赶及复出，但今仗除咗班夫韦迪要坐波监外，後衞耶利文拿及宾葛菲特仍有伤在身，防线阵容不整，加上佢哋只领先尾3嘅般尼2分，仲未上岸，为抢分一定步步为营。
水晶宫目前位处中游，既无力冲击下届欧洲赛席位，亦唔愁降班，球员都系等紧收咧，难免欠缺战意。佢哋近6仗取得2胜2和2负，其中5仗开2球或以下，而且仅入4球，包括1球嚟自12码，攻力平平，造访稳打稳紮嘅「拖肥糖」，难有大手交易，入球细捧得过。