速战速决畀主力休息
今晚欧联8强次回合，利物浦返主场晏菲路迎战宾菲加。首回合领先3比详细看华体网1嘅「红军」，近年遇上葡超球队赢波当食生菜，而且踢得非常抢缰，往往半场就领先对手，为免夜长梦多，主场出击必定希望尽快领先，摧毁对手嘅斗志，等班主力可以休息，半场主胜值得再追。（Now 644周四凌晨3时直播）

利物浦首回合凭伊巴希马干拿迪、沙迪奥文尼同路尔斯戴亚斯各入一球，取得3比1领先优势。其中1月由波图加盟嘅路尔斯戴亚斯极速融入，表现大获好评，呢位哥伦比亚射手对葡超球队非常熟悉，相信今仗都会落场帮「红军」争取士哥。值得留意佢哋近5次欧联对葡超球队录得全胜，其中4次半场就取得领先优势，今晚可望速战速决，等班主力唔使踢足，为即将喺英足盃4强硬碰曼城做准备。

宾菲加焗攻易露空位
宾菲加今届欧联杀入8强，已经算超额完成。佢哋作客表现麻麻，计埋外围赛近5场欧联作客仅获一胜，其中3场同对手互交白卷，另外仅有一次可以喺半场入到波，踢得相当保守兼慢热，加上首回合失利下，今仗造访晏菲路焗住抢攻，只会令後防暴露更多空位，益晒利物浦一班高速射手，随时半场都顶唔住，一於撑利物浦半场主Ｗ。