荷兰周日凌晨主场同丹麦拍跳，虽有老帅尹戈尔确诊未能领军，但「方丈」已为球队打下基础拨乱反正，丹麦有基斯甸艾历臣回归亦难挡荷兰强攻，捧主胜。

（有线661及601台周日凌晨3时45分直播）


尹戈尔确诊未能督师

荷兰向来崇尚进攻，不过前主帅法兰迪保亚反其道而行，佢偏重反击打法唔work，令「橙军」表现跌Watt，搞到上年欧国盃16强出局，佢亦黯然下台。幸好尹戈尔出山第3度执教，凭佢择善固执坚持打进攻足球，适逢铁衞华基尔云迪积克伤愈，球队攻守回复平衡，单计近6仗获5胜，不但已取得世盃入场券，这6仗更轰入21球，可见尹戈尔嘅进攻风格已植根球队，就算今仗未能督师亦影响不大。


丹麦上年欧国盃首仗就有中场指挥官基斯甸艾历臣因心脏病发倒下，全队反而被激发爆冷闯入欧国盃4强，之後强势持续取得世盃入场券。不过呢种「士气波」总有冷却一日，毕竟丹麦整体质素并非欧洲顶尖，而且队长卡积亚及箭头巴夫韦迪受伤，植入心脏起搏器嘅艾历臣病愈後在宾福特上阵仅3仗，状态难复旧观，近日更曾确诊，今次获重召象徵性多於实际作用，造访荷兰恶唔出样。