今晚英超伦敦打吡，水晶宫主场斗车路士。水晶宫今季终於唔使为护级而战，不过佢哋实力仍同前列球队有一段距离，今场遇正啱啱赢咗世冠盃嘅车路士好难爆冷，推介车路士客胜。（Now 623周六晚11时直播）

水晶宫现时24战5胜11和8负，比起之前几季，经常喺联赛最尾4格上上落落，有显着进步，领队韦拉功力唔错。不过，球队始终非富豪球会，增兵文章看华体网後实力当然唔会太过突飞猛进，近2个月面对利物浦、韦斯咸、热刺及曼联等都输波而回，近5场联赛只得3和2负，包括近2场以1比1打和诺域治及同宾福特互交白卷。

近8次交手全胜
车路士加时以2比1击败彭美拉斯赢得世冠盃後，返回英格兰积极备战，美臣蒙特受伤要抖几个星期，但影响唔会太大，车仔下半季可以继续多线发展。虽然车路士近排赢波过程有啲惊险，如果上半场未能入波，领队杜曹仲有多名中前场球员变阵，唔需要太过担心佢哋攻力，加上後防有艾度亚文迪把守最後一关，一般球队好难攻破佢哋。

车路士可谓水晶宫克星，无论干地、摩连奴、沙利、林柏特到现时嘅杜曹执教，3分都予取予携，近8次交手车路士获得全胜，今场客胜热得有道理。