奎罗斯「闷蛋足球」行得通
今晚非国盃8强爆发瞩目大战，由埃及火并摩洛哥。埃及喺葡萄牙籍主帅奎罗斯领军下大踢「闷蛋足球」，即使有王牌射手穆罕默德沙拿在阵，今届赛事入球数字都系少得可怜，连同上届近8仗非国盃全开2球或以下；摩洛哥攻力都唔算曳，但嚟到8强阶段相信会踢得小心谨慎，唔怕同埃及斗磨，一於热捧2.5球入球细。（来源华体网Now 638周日晚11时直播）
埃及喺非国盃战绩彪炳，曾经7度封王，加上拥有穆罕默德沙拿呢位顶级射手，但今届4仗演出毫无激情，仅入2球而失1球，沙拿只系喺对畿内亚比绍建功，至今入得一球咁大把。佢哋喺D组2胜1负以次名出线，表现唔算突出，16强同科特迪瓦闷和0比0，最後射赢12码跻身8强，「防守专家」奎罗斯见呢招行得通，当然会继续执行佢嘅策略，最紧要系稳住局面唔好失波，绝对唔介意闷闷哋咁晋级。
摩洛哥喺非洲实力中上，曾於1976年夺冠，2004年得亚军已经系近年最佳成绩，今届开赛前，效力车路士嘅中场薛耶治同主帅夏利荷锡闹不和落选。
摩洛哥惊险晋级唔敢乱攻
摩洛哥喺C组2胜1和以首名出线，16强2比1反胜马拉维，惊险晋级，今届赛事4仗入7球失3球，当中阿舒拉夫同保法尔各入两粒。亦由於佢哋上仗对马拉维先失波，一度陷入危机，今仗面对实力更强嘅埃及，唔敢再大意，必定加强防守。睇番双方近7次交手，有6次总入球开2球或以下，今场开出细盘机会极高，再追无妨。
