至於另一场非国盃A组首轮赛事，由埃塞俄比亚硬撼佛得角。两军已阔别非国盃多年，大赛经验不足之下，难免会踢得谨慎，加上佛得角初段分外保守，半场和更值博。（周一凌晨3时开赛）

埃塞俄比亚都曾经文章摘自华体网威过，喺1962年勇夺非国盃冠军，可惜呢啲已经系咸丰年前嘅事；自从2013年分组赛出局後，佢哋已经连续3届无缘决赛周。睇番埃塞俄比亚今届嘅人脚，大部分球员都喺国内搵食，实力只系「有限公司」，加上之前喺世盃外非洲区第2圈G组，6战仅得1胜排第3出局，今次参赛睇嚟一样恶唔出样，心态上志在参与居多。

外流球员有质素
佛得角喺2013及2015年，连续两届闯入非国盃决赛周，其中於2013年更加杀入8强，表现一鸣惊人，但可惜之後无以为继，近两届都止步於外围赛。与埃塞俄比亚相比，佛得角有更多球员外流搵食，包括效力比甲球队奥斯坦德嘅中场洛查山度士、喺西亚搵食嘅射手文迪斯达加卡等，质素应该较埃塞俄比亚优胜。

虽然佛得角之前喺世盃外非洲区第2圈C组，仅以2分之差落後「超霸鹰」尼日利亚，无缘晋级，但整体表现唔失礼。查实佛得角踢法一向稳阵行先，连同热身赛在内，近12仗有9次开出半场和，预计今场初段一样唔敢轻举妄动，半场和不妨再追。