今晚挪超獨腳戲史達比克喺主場迎戰白蘭恩。兩支中游球隊近況麻麻，幾乎場場有失波，今仗遇到同級「兄弟」，唔會輕舉妄動。白蘭恩近期經常開出半場和，值得再追。（周二凌晨2時30分開賽）

史達比克今季演出尚算硬淨，14場聯賽只輸過4場，可惜贏波亦同樣僅得4仗，早排打和榜首波杜基林特已經係代表作。佢哋近5場聯賽不勝陷入小低潮，後防不穩係最大毛病，何況近4次對白蘭恩3度落敗，今仗睇怕會縮後嚟踢。

兩隊料加強防務
白蘭恩亦唔好得幾多，今季聯賽贏得5場，佢哋最大問題都係來自防守，14場裏面只得2仗保清白身，其中近9場聯賽全部都有失波。其實白蘭恩都意識到呢個問題，所以近期初段刻意踢得較保守，好似上仗對莫達倫，都係完場前先失守輸波，有啲欠運。白蘭恩近7仗聯賽雖然贏得1場咁大把，但有6次開半場和，既然雙方都想改善演出，相信會穩打穩紮，半場和不妨再追。