上周五歐霸盃16強抽籤,利物浦抽中對死對頭曼聯,雙紅將會歷史性首次喺歐戰上演。呢場大戰嘅波飛肯定會供不應求,但球會都唔使趁勢劏客㗎?抽籤後冇耐,紅軍球會公佈下周首回合迎戰曼聯嘅票價,竟然比起上一圈迎戰奧格斯堡貴咗一倍,索價59鎊(約636港元);早排要加下季票價已經搞出大龍鳳,好在紅軍話只係搞錯咗,好快已經將票價改番做29至39鎊。