謝拉特喺效力利物浦期間，帶領球隊捧過唔少盃，𠵱家效力緊美職聯洛杉磯銀河，佢仍然心繫紅軍，仲多得銀河教練艾雲拿幫手，可以喺今晚睇直播。銀河喺星期二要出戰中冠盃，作客墨西哥嘅拿根亞，本來搭飛機出發時間撞正英聯盃決賽，但艾雲拿就特登改航班，等謝四可以睇埋場決賽。另外，謝四重申話完成埋來季美職聯就好大可能掛靴，不過佢講笑咁話，如果有中超重金搵佢可能會改變主意喎。