曼城中場拿斯尼自上年10月大腿傷缺陣至今，上周五終於復操，不過以佢嘅狀態，睇怕都唔會踢到今日嘅英聯盃決賽；可能為咗慶祝自己即將復出，又可能想提早賀球隊捧盃，呢位28歲法國中場，就特別將個頭染到好似曼城波衫咁藍，成個韓仔咁，希望到時溫布萊坐冷板都可以矚目過人。曼城另一位中場奇雲迪布尼亦都喺個人twitter上載自己做gym相，表示自己膝傷就快好番，希望盡快提升狀態上陣咁話。