今場波兩隊高手如雲，當中拜仁嘅羅拔利雲度夫斯基今屆9次歐聯上陣，全部有波入，理所當然會被對手嚴密看管。但要留意番上述9場賽事當中，有6場係其他拜仁球員比「羅拔仔」更早取得入球，好似老將湯馬士梅拿近期就表現生猛，當ＰＳＧ球員掛住嘜實「羅拔仔」時，走位靈活兼懂得把握時機嘅梅拿，就甚有機為拜仁先拔頭籌，建議揀佢做首名入球首選。