欢迎来到足球图库!
当前位置:主页 > 太阳报 >
光輝贏鬥心「勝利」在望
时间:2020-08-08 20:29   来源:足球图库
周六續演澳職獨腳戲,珀斯光輝對墨爾本勝利。勝利累積5連敗,加上肯定冇份踢季後賽,冇乜鬥志,相反光輝為保季後賽席位肯定搏盡,一於捧主勝。

(myTV Gold 301、Now 638、有線654及614周六下午3時直播)

勝利肯定無緣季後賽
墨爾本勝利今季多次換教練,依家嘅比貝拿已經係球隊今季第3位主帥,季初開始執教嘅德國籍教頭馬高告斯,上任領軍13場就畀人炒魷,原本嘅副手沙拿祖亞,今年1月22日轉做看守教練,不過做到5月底就自己轉飯鑊,走去教比利時嘅聖圖爾登,比貝拿就喺疫情期間上任。比貝拿喺澳職復賽後先正式帶隊,但勝利成績顯然未有改善,聯賽累積5連敗,走勢持續向下,而且肯定冇份踢季後賽,戰意成疑。

相反,光輝上場擊敗西悉尼流浪者,復賽後取得2勝2負,同復賽前相比,明顯從谷底反彈,而且暫時排聯賽第5嘅光輝,仲要力爭季後賽席位,鬥心遠勝毫無目標嘅勝利,熱捧主勝。
上一篇:祖記晒冷打爆里昂     下一篇:奧辛尼艾度亞迪撻着