日乙2哥大宮松鼠周中快車出擊，作客撲擊金澤薩維根。松鼠開季戰績不俗，憑穩定演出進佔聯賽前列，當中防線表現尤其出色，今季7戰僅失3球，因此開入球細比率特別高，今仗入球唔慌多，捧入球細。（周三晚6時開賽）

松鼠曾於2017年征戰日職，結果以5勝10和19負25分排榜末降班，近2季都屬日乙前列分子，其中上季排日乙第3位，距離升班只差最後一步，今季捲土重來，開季4連勝只係最近2場作客表現回落連敗，上仗回師主場又小勝松本山雅，緊守聯賽次席，算有一個好開始，卻曝露主強客弱嘅毛病。

金澤穩守突擊搵食
呢班波攻擊面廣，2位東歐外援包括波斯尼亞前鋒拿文夏斯傑及拉脫維亞後衞麥斯文高暫未開齋，反而幾位「土炮」分擔入球重任，例如上仗對松本山雅一箭定江山的戶島章、前鋒富山貴光、中場10號仔黑川淳史、後衞渡部大輔及西村慧祐均有入球進帳。但係松鼠喺防守角球比較鬆懈，加埋中前場配合唔好易斷纜，以至作客比較被動。不過松鼠開季至今僅失3球，係日乙現時失球最少球隊，今仗客戰薩維根難免更加保守。

對手薩維根主打穩守突擊，除7月初對新潟天鵝突然發威，以5比3大勝，以及周日淨贏群馬草津溫泉5比0，總體而言場均入球偏少；再睇埋松鼠近6仗全部開2球或以下，捧中位數2.5球入球細穩陣。