今晚另一場意甲阿特蘭大作客帕爾馬。阿特蘭大喺「進攻狂人」加斯柏連尼執教下，進攻打法深入民心，不但喺意甲位居前列，今屆首戰歐聯亦殺入8強，更重要係射手伊利錫受傷後，無論用路爾斯梅利爾或杜雲沙柏達代替，都能收到奇效，前者復賽後已入5球，杜雲沙柏達近5場聯賽亦入4球，阿特蘭大復賽後11場聯賽8勝3和絕對唔嘢少。

帕軍復賽場場失波
另邊廂，帕爾馬向來重攻輕守，可惜射手哥尼利斯及謝雲奴近期忘帶射門鞋，防守亦未見改善，復賽後11場聯賽場場有失波，要抵擋阿特蘭大進攻唔容易。翻查紀錄，兩軍近3次聯賽交鋒，阿特蘭大全部淨勝2球或以上，讓球客勝有買趁早。（myTV Gold 301、Now 638、有線654、614、662及602台周三凌晨1時30分直播）