衞冕意甲嘅祖雲達斯，今輪作客烏甸尼斯為提早奪冠鋪路！祖雲達斯之前接連失分，幸上場擊敗拉素增添士氣，王牌C朗更梅開二度，神射手榜追平拉素前鋒恩莫比尼，C朗為公為私今場必定出盡全力爭取士哥，作客「私房菜」烏甸尼斯，當然可望輕鬆大勝，加上祖雲達斯近7戰全開3球或以上，2.5球入球大萬勿錯過。（myTV Gold 301、Now 638、有線654、614、662及602台周五凌晨1時30分直播）

祖雲達斯陣中有不少老將，經過復賽後連番激戰，體力上嘅消耗相當大，「斑馬兵團」之前喺聯賽接連失分，包括先以2比4不敵AC米蘭，其後對阿特蘭大及薩斯索羅，分別以2比2及3比3和波，3場比賽共失7分，好彩祖雲達斯嘅榜首位置依然穩固，因為佢哋喺周一深夜對拉素，憑球隊靈魂C朗梅開二度，以2比1贏波，至今將榜首領先優勢拉開至少6分差距。

好勝嘅C朗，停擺前曾經陷入球荒，但隨住聯賽重開，呢名葡萄牙射手腳風轉順，累積射入30球，依家喺射手榜追到同恩莫比尼並列榜首，剩番4輪聯賽，慣性搏到盡嘅C朗相信都唔會留力，盡量爭取士哥，希望獨攬意甲金靴。

近6對賽烏甸全敗
好消息係祖雲達斯今場作客嘅對手，正係佢哋嘅「私房菜」烏甸尼斯；睇番對賽往績，原來祖記近6次對烏甸錄得全勝，而且近3次交鋒全部開總入球4球或以上。何況祖雲達斯近7場聯賽，總入球全開3球或以上，有搶住入波嘅C朗在陣，今場必定係入球騷，中位數2.5球大盤有買趁早。