今晚英超頭場屈福特主場鬥曼城，仍為護級掙扎嘅屈福特，賽前辭退主帥尼祖皮亞臣，嚴重打擊士氣；曼城英足盃4強出局，哀兵上陣亦唔見有心踢，加上佢哋近12場作客11場總入球開3球或以下，推介3.5球入球細。

■（Now 621周三凌晨1時直播）

屈福特目前只領先阿士東維拉3分排尾4，護級水深火熱，喺呢個關鍵時刻竟然宣布解僱主帥尼祖皮亞臣，引起球迷嘩然。皮亞臣係繼查維加西亞同科里斯之後，屈福特今季炒嘅第3位領隊，創造咗英超歷史，Ｕ23教練穆連斯將出任看守領隊，執教剩餘嘅兩場比賽。英國傳媒報道，屈福特唔少球員對呢個決定非常不滿，嚟緊有冇心機護級都難講。

曼城冇目標或留力
作客嘅曼城喺英足盃4強畀阿仙奴淘汰後，本土賽事冇晒目標，球員士氣同樣低落，相信領隊哥迪奧拿都會畀多啲後生仔上陣，留力嚟緊嘅歐聯好過。曼城近12場作客11場總入球開3球或以下，今場揀3.5球細盤係最明智選擇。