英超比較歐洲其他聯賽，疫情像過山車情形下最後復賽，一復賽便展現強勢，其中曼聯打出5年來最高水準，過去一周隨住車路士及李斯特城相繼失分，聯賽前4之爭如火如荼，一切視乎最後2輪。

歐霸盃資格亦係爭崩頭，共有3、4隊競逐，當然最有機會是排第6嘅狼隊，以及曼聯、車路士及李斯特城，3隊中失落歐聯資格嘅1隊。尚餘最後2輪聯賽，若然熱刺及阿仙奴全取6分，仍有一點點機會，尤其是熱刺。

榜尾方面，韋斯咸剛喺香港時間上周六凌晨擊敗護級對手屈福特，形成韋斯咸37分，屈福特34分，韋斯咸看來幾近「上岸」。諾域治已提前降班，阿士東維拉及般尼茅夫同樣得31分，但2隊只係垂死掙扎，希望拖屈福特「落水」而已。

英超實在值得讚賞，就是由頭到尾都咁好味，而英足總仲有壓軸好戲，就係2場英足盃4強賽事，博彩者眼睛係雪亮嘅，喺曼城對阿仙奴開賽前，曼聯奪標賠率已升到次熱門，只得4.25倍，車路士賠率跌至5.75倍，可見大家都睇到曼聯機會唔低。

疫情出現第3波，侵佔我哋嘅暑期生活，球迷同所有香港人都被困家中，有足球為大家解悶，算係不幸中之大幸。