上届亚军阿仙奴欧霸盃32强首回合会先作客希腊奥林比亚高斯。今场係阿仙奴领队阿迪达上任后欧洲赛首演，当然要好好睇睇，首要任务係唔输，次回合返到主场先慢慢嚟，所以一定会踢得稳阵，「兵工厂」近4场欧霸盃作客有3次开半场和，今场不妨追多一次。

（myTV Gold303、Now 643、有线656及616台周五凌晨4时直播）

「兵工厂」呢个欧霸盃32强席位，係由前人艾美利同龙格保种落，阿迪达当然唔想一到自己手就玩完，加上阿仙奴争联赛前4嘅机会一般，若想攞到下届欧联入场券，争夺欧霸盃冠军就成为最可行嘅办法，预计阿仙奴将会踢得更为小心。

阿仙奴上场英超以4比0击败纽卡素，当中有一球传送达到35脚嘅入波，球迷话「云格波」又返嚟喇！但係换句话讲，即係搓多个攻嘅阿仙奴踢法又再回归，其实上仗大胜背后，一众「厂将」都係老鼠拉龟，上半场只係踢成0比0。「兵工厂」今场睇嚟踢法都唔会大变，再睇佢哋近4场欧霸盃作客有3次开半场和，战术都係稳中求胜。

奥林比亚高斯睇定嚟踢
奥林比亚高斯今届踢过欧联分组赛，结果以1胜1和4负仅获第3，从而降格参战欧霸，但其实呢支希腊班霸锋力只属一般，故往往谋定后动，近4场欧洲赛就有3次开半场和，今场遇上同样稳阵嘅阿仙奴，半和值得再追。