至于曼城周一凌晨就会主场迎战锡菲联。新升班嘅锡菲联係联赛作客「不败之师」，战力超乎预期，况且「蓝月亮」今季衞冕路上已经几度失分，令人怀疑出战联赛嘅斗心，呢场想让到球半/两球实在大贪，捧番锡菲联下盘更稳阵。

（Now 622周一凌晨2时直播）

曼城不敌狼队之后，已经畀踢少1场嘅榜首球队利物浦抛离14分，就快连车尾灯都望唔到，争标形势极度唔乐观，赛后哥迪奥拿自己都承认衞冕希望幻灭：「利物浦领先优势咁大，现时我哋同李斯特城争第2更实际。」「蓝月亮」今季后防不稳已成公开秘密，上仗中坚奥达文迪失位情况令人咋舌，呢场首席门将艾达臣摩拉斯仲要坐波监缺阵，曼城防线随时再失守。

作客9战不败只失7球
除利物浦之外，锡菲联係英超开季至今作客未输过波嘅球队，包括曾逼和车路士同热刺两支Big6劲旅，呢支英格兰中部老牌球队今季9场作客不败合共只失7球，防守力惊人，领队维达奉行嘅整体压迫战术，对锺意控球嘅对手嚟讲堪称係恶梦，呢场对住劲敌曼城，随时再有惊喜，一于吼实锡菲联下盘。