周六凌晨法甲焦点战，梅斯主场强战衞冕嘅巴黎圣日耳门（PSG），等阿King用呢场波度番条过关好路畀大家。PSG阵中多位当家球星因伤倦勤，尼马又深陷转会风波未必会踢，就算对住新升班嘅梅斯，睇怕都几难取得大胜，一于吼实入球细。
（MyTV Gold 302台、Now 639、有线615及655台周六凌晨2时45分直播）
不嬲靠开前场攻击手揾食嘅法甲豪门PSG，季初深受伤兵问题影响，基利安麦巴比、卡云尼同达斯拿等一班主力攻击手全部无一幸免中晒招，同时间，巴西球星尼马嘅转会传闻满天飞，就算未确认离队，心在曹营身在汉嘅佢表现都难有保证，前场只靠祖普莫亭担大旗，PSG就算场面上佔优，呢场都唔会入好多波，捧番入球细好过。
串拉鲁斯胜学生队大
去到周六早上有两场阿甲好戏推介，首先有拉鲁斯主场斗新升班嘅CA科尔多瓦中央，拉鲁斯联赛收穫2连胜状态够弗，呢场地头出击稳操胜券，主胜值博。另一场学生队主场恶战沙士菲，客军近3仗全开4球或以上，明显入得又失得，呢场随时同学生队斗攻，中位数2.5球入球大唔好错过。