英超1哥利物浦今晚会喺压轴出场作客般尼，红军係目前唯一3战全胜嘅球队，但呢场3场全部都有失波，为咗掩饰后防不稳嘅问题，相信领队高普会以攻代守，不过般尼对住红军特别有计，近5次斗利物浦皆有进帐，中位数2.5球入球大趁热食。
（Now 621及611台周日凌晨零时30分直播）
利物浦上场于Big 6大战以3比1击退赛前同样保持全胜嘅阿仙奴，暂时以2分优势排榜首。不过，利物浦并非无懈可击，事关「红军」连续3场联赛都有失波，而且同样係领先2球或以上嘅绝对优势下失守，顶替艾利臣比加把守最后一关嘅阿祖安卡斯迪路，始终畀唔到人太大信心，即使有华基尔云迪积克喺前面帮手，红军整体防守力明显下降。
好彩嘅係，高普手上有大量高质攻击球员，「埃及文明」穆罕默德沙拿、沙迪奥文尼同罗拔图法明奴冇病冇痛嘅话，真係无坚不摧，所以利物浦最佳踢法就係以攻代守，掩饰后防不稳嘅毛病。
般尼「第一队入球」值博
般尼开季3战1胜1和1负，当中包括联赛开锣战以3比0大破修咸顿，唯一败仗係作客1比2仅负阿仙奴，表现并唔失礼，射手艾殊利班尼斯连续3场联赛有士哥，暂以4球排神射手榜次席，脚风不俗，而且般尼近5次斗利物浦全部有波入，当中更有4次先开纪录，2.5球入球大当然可取，3.8倍嘅般尼「第一队入球」亦值得扒冷一试。