欢迎来到足球图库!
当前位置:主页 > 太阳报 >
外围赛恶晒狂牛大无畏
时间:2019-09-06 09:30   来源:足球图库
周五凌晨欧国外,仲有F组「1哥」西班牙作客斗罗马尼亚。「狂牛军团」贵为外围赛之王,今届继续强势表现,加上罗马尼亚踢法绝对唔保守,呢场就算赢唔到,都肯定唔会坐以待毙,势同西班牙斗攻,一于吼实中位数2.5球入球大。
(有线602及662台周五凌晨2时45分直播)
全心赢波献安历基亡女
西班牙前主帅安历基为咗专心照顾病重嘅爱女,早前无奈辞任「狂牛」领队一职,可惜囡囡最终未能战胜病魔与世长辞,因此呢场波对国家队嚟讲绝对係名副其实嘅「帛金波」,「狂牛」众将肯定希望将3分献畀安历基同佢屋企人。查实接掌教鞭嘅助教摩兰奴,过去2仗嘅执教表现都有板有眼,包括上仗3比0轻取瑞典,今次大军重召近况弗爆嘅丹尼施巴路斯同柏高艾卡沙,球队进攻板斧有多几瓣。
暂时以得失球差优势力压瑞典排名F组第2嘅罗马尼亚,整体质素虽然不及西班牙,不过今届4战2胜1和负嘅成绩都唔失礼,4战全开3球或以上。球队最出色嗰瓣肯定係进攻,其中名宿赫杰之子伊兰斯赫杰,早前带领国家青年军闯入U21欧国盃4强之后,已日渐喺1军站稳阵脚,佢嘅好拍挡佐治普斯卡斯,今届亦已经斩获3球,两人双剑合璧,有力喺西班牙后防发难,两军斗攻格,中位数2.5球入球大值得留意。
上一篇:同瑞士斗守爱尔兰下盘抵玩     下一篇:意大利抢缰吼半场W