今晚頭場仲未開齋嘅車路士作客諾域治。「車仔」喺新帥兼名宿林柏特帶領下，頭2場僅獲1分，球員踢嚟患得患失；相反「金絲雀」諾域治上場贏波，迪姆普基更「戴帽」弗到震，加上近年兩軍交手半場常未分勝負，半場和乃不二之選。

（Now 621周六晚7時30分直播）

車路士繼首輪聯賽慘吞曼聯4蛋後，上場主場又畀李斯特城逼和，部分球員踢到慌失失，不斷放長傳進攻，但又驚輸防線縮得太後，導致中場失勢，若非李斯特城嘅占士麥迪臣及占美華迪連番失機，「車仔」隨時1分不保。「林伯」臨場指揮亦嫌經驗不足，低潮下作客必先求穩陣，避免再受打擊影響軍心。

諾域治迪姆普基弗到震
諾域治重返英超後表現可人，上季英冠神射手兼最佳球員迪姆普基（圖）連續兩仗有士哥，上輪更連中三元，助球隊主場砌低紐卡素響勝鼓，佢依家以4粒同史達寧並列射手榜「1哥」，勢成「車仔」心腹大患。雙方近5次交手有4次半場踢成0比0，主隊趁住「車仔」態沉至少可頂半場唔輸，半和值追。