防線鑲鋼頂住卡斯洛達
周四凌晨續演3場歐聯附加賽首回合，希臘勁旅奧林比亞高斯主場鬥俄超卡斯洛達。奧林比亞高斯今屆4場歐聯外圍賽保持0失球，防線固若金湯；卡斯洛達戰術一向以穩守突擊為主，預計雙方比賽初段難分高下，推介半場和。

（Now 645、有線602及662台周四凌晨3時直播）

奧林比亞高斯上季於希臘聯賽雖然屈居PAOK之後僅獲亞軍，不過球隊今屆於歐聯外圍賽表現卻比後者出色，PAOK於第3圈外圍賽以總比數4比5不敵阿積士，只能轉戰歐霸盃，相反奧林比亞高斯由第2圈展開角逐，先後淘汰捷克柏辛域陀尼亞及土耳其巴沙克舒希，而且4場比賽入7球兼0失球，攻守都有水準演出。卡斯洛達上圈首回合主場對波圖力拚至完場前失守僅輸0比1，相信今次作客更加唔會急於搶攻；既然對手奧林比亞高斯近4場歐聯全開半場和，今場值得再追。

紅星旺細繼續追
另一場有瑞士代表年青人主場鬥塞爾維亞球隊貝爾格萊德紅星。兩軍上屆都喺附加賽贏波，成功殺入32強分組賽，實力、經驗不相伯仲；紅星踢法穩中求勝，今屆由第1圈外圍賽開始6場比賽有4次開2球或以下，面對鋒力唔算銳利嘅年青人，捧中位數2.5球細盤。

（myTV Gold 303、Now 643、有線616及656台周四凌晨3時直播）

最後一場薩格勒布戴拿模主場對洛辛堡，今季喺挪超一度失準嘅洛辛堡近期開始上力，薩格勒布戴拿模上圈首回合主場對匈牙利費倫斯華路士只係和波，讓唔起洛辛堡，捧讓球客勝。

（Now 644、有線603及604台周四凌晨3時直播）