歐聯附加賽開打，周三凌晨上演3場首回合，荷甲阿積士先會作客鬥塞浦路斯代表尼科西亞；阿積士雖然係上屆歐聯4強分子，不過佢哋對上4屆有3次喺外圍賽或附加賽出局，表現唔算太穩定，加上佢哋今季放走咗2名中後場主力法蘭基迪莊及馬菲斯迪歷特，防線有一定隱憂，好似上圈對住希臘冠軍PAOK主、客兩回合都曾經試過落後，好彩佢哋前線交到功課，兩回合計才得以總比數5比4淘汰對手，踢法有前冇後；尼科西亞近10場歐聯主場外圍賽及附加賽只輸1場，不敗率達9成，有本錢同阿積士鬥攻，今場首選中位數2.5球大盤。

（myTV Gold 303、Now 643、有線616及656台周三凌晨3時直播）

克盧日布魯日都值博
另外兩場首回合，羅馬尼亞代表克盧日主場鬥捷克布拉格斯拉維亞。克盧日上圈淘汰蘇超勁旅些路迪，信心爆棚，主場出擊必乘勝追擊，平手盤捧主隊。

（Now 645、有線602及662台周三凌晨3時直播）

最後奧地利寧斯迎戰比甲布魯日，寧斯上圈一鳴驚人淘汰瑞士巴素利，實力曝光唔易再偷雞；布魯日近6場歐聯未輸過，贏經驗受讓值博。

（Now 644、有線603及604台周三凌晨3時直播）