強強對碰預咗保守
今晚英超第2輪又有Big 6大戰，衞冕嘅曼城主場對熱刺，兩隊首戰同樣全取3分，今仗遇勁敵預計踢法傾向保守，推介中位數1.5球嘅半場細盤，另審時度勢下，角球細同樣抵玩。（Now 611及621周日凌晨零時30分直播）
單睇兩隊火力，唔少人會認為多波入，尤其上季歐聯碰頭時出現過4比3超激戰果，但再細心留意，兩隊上季4次碰頭其餘3仗都係1比0收場，過程中踢法極度謹慎，預計今晚季內首度交鋒，戰況會差不多。至於有球迷話今季英超採用VAR，有助產生大量12碼，樂比起初覺得有理，不過睇番《經濟學人》一篇分析，德甲、意甲及澳職等率先採用VAR嘅聯賽，12碼出現比率得西甲有輕微增長，證明兩者冇必然關係，所以最緊要FC（Fact check），唔好人講你就信。
講番場波，樂比相信熱刺係利物浦以外，最能挑戰曼城嘅球隊，尤其今季羅致尼當比利、盧施素及賴恩施斯隆幾位當打球員，人腳調動充裕得多。其實領隊普捷天奴對待Big 6大戰極其保守，中後場密不透風，只待前線反擊，睇番熱刺上季次循環嘅5場Big 6大戰，上半場全部冇入多過1球，加上孫興民繼續坐波監，對熱刺反擊都有一定影響，半場細有可取之處。
技術流比併角球唔慌多
樂比同時好認同摩連奴一句說話，即使曼城後備隊都有力爭逐英超，「藍月」強大之處係成隊波已融為一體，個別位置變動完全唔影響發揮，球員走位靈活，控球在腳兼高位搶逼踢法，唔會下下硬爆落底，角球自然少。英超Big 6對碰傾向技術流，曼城上季所有賽事14次對Big 6，得2次角球係10個以上，當中4次對熱刺都唔超過10個，今場中位數10.5球角球細有1.68倍同樣吸引。
