今晚英超南倫敦10點場，水晶宮主場迎戰「拖肥糖」愛華頓。愛華頓今夏買入唔少有料之人，包括臨閂窗前簽入阿仙奴翼鋒伊禾比，增添實力，以佢哋挑戰Big 6嘅決心嚟睇，開咧戰遇弱旅絕對唔會畀自己失威，小讓平半必捧上盤。

（Now 621周六晚10時直播）

水晶宮冇大變動
為打破Big 6壟斷前列局面，愛華頓近年大開水喉，李察利臣、基菲爾施古臣、比克福特等來投打好基礎，今夏先買斷葡萄牙中場安祖高美斯，仲高價買入科特迪瓦中場桑基巴文及意大利新星摩斯堅恩，再借入法國右閘迪積比爾薛迪比，而喺英超轉會窗臨閂前，再簽埋阿仙奴翼鋒伊禾比，無論攻守都升晒呢，就算放走占士摩利臣畀今仗對手水晶宮亦冇有怕。

水晶宮就冇乜大變動，高價放走右閘雲比沙卡，只得老將加利卡希爾加盟，而且王牌韋費特沙夏一直有離心，之前有傳佢想轉投阿仙奴或愛華頓，更不惜罷操，點知水晶宮仍堅拒放人，無奈留隊戰意成疑，反之愛華頓實力大增，勢必反客為主，上盤有計。