踢歐聯外圍賽超晒班
周三凌晨有多場歐聯外圍賽第3圈首回合大戰，阿King同大家傾心水。希臘球隊PAOK主場挑戰荷甲班霸阿積士，上屆歐聯勇闖4強的阿積士，雖有法蘭基迪莊及馬菲斯迪歷特相繼離隊，猶幸大部分骨幹成員選擇留效，整體實力有保證，今場造訪近年歐聯戰績一般的PAOK，有力贏波搶先機。

（周三凌晨1時直播）

阿積士喺荷蘭主帥坦哈格帶領下，上季打出驕人成績，不但能在國內稱王，歐聯更一路過關斬將殺入4強。阿積士季前雖有法蘭基迪莊及馬菲斯迪歷特兩大主力他投，幸而薛耶治、雲迪碧克和杜辛泰迪治等骨幹球員仍然在陣，配合由西維爾加盟的攻擊手昆斯普美斯，戰力絕對不容忽視。

近4場歐聯作客全勝
PAOK上季雖包攬國內聯賽及盃賽雙料冠軍，但這支希臘球隊去到歐聯賽場隨即「見底」，自歐聯改制後從未嘗過正賽滋味，包括上屆附加賽兩回合計以2比5不敵賓菲加，況且阿積士食住PAOK，過去兩次喺同一階段相遇，阿積士都能夠輕鬆過關，加上球隊歐聯作客4連勝，今場揀客W。

另一場歐聯比甲布魯日主場迎戰烏克蘭班霸基輔戴拿模。布魯日於上屆歐聯戰績一般，基輔開季極速上力，今場可望全身而退，受讓必捧讓球客勝。

（周三凌晨2時30分開賽）

最後貝爾格萊德紅星主場對哥本哈根，紅星對上兩圈都過關，全靠主場搶分，佢哋作客都贏唔到，今場首回合肯定要先下手為強，於主場盡攞優勢，揀主勝。

（周三凌晨2時45分開賽）