周一早上美職激戰連場，其中華盛頓聯隊將會主場同費城聯上演前列大戰。費城聯作客表現飄忽，尤其後防漏洞明顯，呢場對住有英格蘭球星朗尼助陣嘅華盛頓聯隊，寧願以攻代守，一場對攻戰肯定走唔甩，中位數2.5球入球大係好路。

（MyTV Gold 302、Now 639、有線615及655台周一早上7時30分直播）

費城聯今季靠穩定主場表現頻頻搶分，喺積分榜節節攀升，相比之下，球隊作客發揮就明顯失色，特別後防甩漏問題嚴重，近4仗作客取1勝3負之餘，更合共失13球，4場全開4球或以上，包括連續2次作客慘吞對手4蛋。可幸新加盟的墨西哥中場馬哥法比安表現對辦，這位前法蘭克福猛將於德甲闖蕩多年，作戰經驗豐富，而且已經成功融入球隊，今仗配合波蘭射手派斯比高，有力擔起費城聯進攻重任。

華軍主力防中缺陣
高踞東岸積分榜前列的華盛頓聯隊，近期發揮同樣唔穩定，呢場仲有主力防守中場羅素簡路斯因傷缺陣，缺少中場屏障，華聯後防肯定會承受更大壓力，今仗想爭3分，惟有靠以朗尼為首嘅攻擊組合搶攻發圍。回顧往績，華聯近6次聯賽主場面對費城聯，有5次開3球或以上，今仗大盤值得再追。