今日盃賽做主打，阿King最有心水嗰場係歐霸盃第2圈次回合，赫根主場鬥阿爾克馬爾。首回合互交白卷，即係大家都冇着數蝕底，今場更加唔敢輕舉妄動，赫根近期旺開半場和，不妨再追。

（周五凌晨零時30分開賽）

首回合悶和0比0，阿爾克馬爾久攻不下，赫根亦搶唔到作客入球，雙方都冇優勢，阿爾克馬爾畢竟仲未開咧，狀態點都差啲，今場作客定必小心謹慎。至於主場出擊嘅赫根，亦有門神拉舒特及後衞艾基維奧因傷倦勤，為免畀對手取得作客入球而陷於被動，今仗一定穩陣行先，加上近4仗全開半場和，值得追多鋪。

狼隊攻十字軍精打細算
另一場歐霸盃心水，係狼隊作客十字軍，首回合狼隊贏2比0，呢支早前奪得英超亞洲挑戰盃嘅球隊，一向都重視防守，既然已經領先緊，造訪弱旅十字軍可睇定先食，捧入球細仲好。

最後係聽朝自由盃16強次回合，利伯泰迪於中立場對甘美奧，首回合甘美奧打少個照贏2比0，明顯技勝一籌，今仗仲有得受讓咁筍，讓球客勝有計。