周四早上自由盃16強次回合連場激戰，又等阿King講講過關心水。其中小保加返到主場再鬥帕拉尼恩斯，小保加首回合贏住1比0，呢場大可睇定嚟食，況且帕拉尼恩斯作客不嬲冇料到，小保加絕對有望再下一城，一於吼實主W。

（周四早上8時30分開賽）

串紅星細哥本哈根讓球勝
首回合作客嘅小保加雖然略處下風，不過下半場換入泰維斯後即時脫胎換骨，加上另一位曾外流嘅攻擊手莫路沙拉迪，大賽經驗極具保證。呢場拎住1個寶貴作客入球回師，小保加絕對可以充分發揮主場優勢，加上球隊近8場自由盃主場出擊取7勝1和，相反帕拉尼恩斯今季3次自由盃作客輸晒，表現唔值得信賴，捧主勝好過。

另外周四凌晨仲有多場歐聯第2圈外圍賽次回合上演，其中赫爾辛基主場面對貝爾格萊德紅星，紅星首回合贏2比0，呢場守和就可以晉級，球隊近3場零失球防守有啲計，2.5球嘅入球細值博。

（周四凌晨零時開賽）

跟住有哥本哈根主場對新聖徒，哥本哈根首回合作客都贏2比0，可見新聖徒質素認真麻麻，次回合丹麥首都勁旅返到自己地頭有望贏多鋪，即使要「讓二球」，讓球主勝一樣值博。

（周四凌晨1時45分開賽）