周三晚上日乙焦點戰，中游分子金澤薩維根主場迎戰「1哥」京都不死鳥。薩維根防守雖頗為硬淨，不過最大問題係鋒力欠銳，相反不死鳥近期火力全開，挾近4場聯賽全勝之勢，呢場作客有得受讓，一於投京都不死鳥下盤信心一票。

（有線603及604台周三晚6時直播）

4連勝弗爆作客受讓筍
薩維根今季聯賽只輸過5場，單計近10場聯賽亦只嘗1敗，但其實當中亦僅贏得2場咁大把，薩維根之所以位處中游，全因其火力不濟，開咧24戰僅入得29球，和波偏多絕對係球隊未能更上一層樓嘅主因。

計埋上場以2比1擊敗FC岐阜，京都不死鳥近4場聯賽錄得全勝佳績，暫以較佳得失球位列榜首。陣中除咗年輕前鋒一美和成今季聯賽已累積8球進帳之外，中場仙頭啟矢亦頻頻後上入楔得手，開咧至今都有7球斬獲，難怪不死鳥現時已轟入36球，火力係聯賽榜頭6名中最強。加上不死鳥勁就勁在作客戰力都冇太大走樣，近4場聯賽作客錄得3勝1負，現時爭冠形勢緊湊，相信不死鳥肯定搏盡，作客受讓捧下盤。