周一賽事例牌少，但阿King依然搵到好嘢推介畀大家，重心瑞典超希爾星堡主場對奧雷布洛。希堡有名宿軒歷拿臣回巢執教後明顯有起色，面對近5仗4敗嘅奧雷布洛，絕對係反彈好時機，主勝有計。

（周二凌晨1時開賽）

魯賓卡山歎慣「細」界
球員時代堅威水嘅前瑞典國腳軒歷拿臣，踢而優則教並非必然，2015年佢返回母會希爾星堡執教，點知1年後降班收場，勢估唔到6月仲有機會回巢掌舵。今次拿臣明顯有備而來，接手後4仗取得2勝1和1負，上仗輸畀強隊AIK蘇納屬非戰之罪，近日接連簽入前曼聯門神連迪加特同奧斯達辛斯前鋒艾夏治謝路，加強攻守實力。另一邊廂，奧雷布洛仍有法比奧達施華、祖漢馬頓臣、邦尼基斯等主力養傷，而且近5仗只得1勝4負，狀態差勁。雙方依家同分，排第12位嘅希堡為盡快脫離護級漩渦，呢場「6分波」難得遇弱一定搏盡，主勝有計。

早少少開波嘅俄超獨腳戲，魯賓卡山主場硬撼艾卡馬特。開咧頭2仗取得1勝1和全開2球或以下嘅魯賓卡山，今仗有巴舒基洛夫坐波監，必定先求穩陣，艾卡馬特亦有古沙哥夫、韋基安祖等續抖，兩軍近5次交手，有4次開2球或以下，捧入球細為妙。

最後係聽朝巴甲，阿拉戈亞諾主場對甘美奧，雖然甘美奧實力秤先，但主帥古曹講到明會留力周中自由盃，阿拉戈亞諾受讓值得捧場。