周一凌晨U21歐國盃決賽一觸即發，西班牙U21將會同德國U21重演上屆決賽戲碼，等阿King順便同大家講講過關心水。狂牛小將上届決賽不敵德國飲恨，呢次為復仇肯定唔會手軟，另外德國前場火力亦唔輸蝕，兩軍大有本錢演入球騷，入球大諗得過。

今屆U21歐國盃決賽嘅焦點，肯定係睇西班牙能否擺脫上屆畀德國擊敗嘅心理陰影，成功搶番冠軍寶座。狂牛小將今屆首戰雖然以1比3不敵東道主意大利，不過球隊及時調整狀態之後，走勢一發不可收拾，先後以5比0同4比1大比數淘汰波蘭同法國，上屆賽事最佳球員丹尼施巴路斯同奧耶沙巴爾等前場攻擊好手進攻意欲旺盛，狂牛門前把握力有保證。加上德國前鋒禾特舒密特今屆個人已經獨取7球，腳風周樣極順，兩軍鬥攻格，比賽場面肯定開放，入球大值得留意。

串巴拿馬上盤庫拉索下盤
跟住有兩場美洲金盃8強戰上演，其中牙買加將會鬥巴拿馬，巴拿馬近6次對牙買加獲4勝2和，擺明格食格，讓平半上盤有計。最後東道主美國面對庫拉索，美國近3屆9次出戰淘汰賽，只有2場可以贏對手3球或以上，呢場面對愈戰愈勇嘅神奇球隊庫拉索，美國讓兩球/兩球半想大炒有難度，庫拉索下盤值博。