開季奪俄超盃士氣好
周一受注賽事唔多，阿King依然搵到好嘢，其中俄超獨腳戲莫斯科火車頭主場對魯賓卡山值得留意。火車頭上周開季勇挫勁旅辛尼特捧走俄超盃，極速上力，加上近年交手食住魯賓卡山，讓一球照捧上盤。
（周二凌晨1時開賽）
上屆俄盃盟主火車頭，季前準備充足，熱身賽未輸過，雖有秘魯翼鋒法芬踢罷美洲盃要養傷，幸好接連簽入施禾利亞度夫及梅里路沙基沙，並買斷上季表現唔錯嘅防中基祖華克，有助鞏固防守，上周喺俄超盃面對上季聯賽冠軍辛尼特並無懼色，憑阿歷斯米蘭卓克省兩粒贏3比2捧盃，狀態谷起。
拿臣回歸希堡「大」晒冷
相反，魯賓卡山在季前5場熱身賽，只得1勝1和3負，明顯未催谷起，何況近5次碰頭，火車頭豪取4勝1和未輸過，擺明格食格，有力打響聯賽頭炮，讓球盤要讓一球都冇有怕，捧上盤。
瑞典超就有希爾星堡主場對天狼星，希堡喺傳奇射手軒歷拿臣重掌帥印後，連續2場作客有分落袋，上仗若非隊長格蘭基斯上半場操刀12碼宴客，已經連贏2場，今仗係拿臣回巢領軍後首度主場出擊，梗係想喺粉絲面前贏波攞威，一定主動搶攻，但門神柏漢臣因頸傷提早收咧，防線存隱憂，面對近4場作客僅1敗嘅天狼星，捧大盤更上算。
最後推介巴甲富明尼斯主場對施亞拉，富軍有中場阿倫洛迪古斯坐波監，後衞馬菲奧斯費拉斯亦因傷倦勤，而且近6仗未贏過狀態低沉，施亞拉防守不俗，今場有機可乘，受讓必捧讓球客勝。
