聽朝美職上演洛杉磯打吡，洛杉磯銀河主場鬥FC洛杉磯，阿King認為3.5球大盤可作過關重心。「1哥」FC洛杉磯火力冠絕美職，踢咗20場就入咗53球，遇上有「戰神」伊巴謙莫域壓陣嘅銀河，兩軍肯定唔會手軟，中位數3.5球大盤照捧可也。

（myTV Gold 301、Now 638、有線614及654台周六早上10時直播）

FC洛杉磯今季大踢進攻足球，王牌卡路士韋拿弗到震，暫以19球領先射手榜，呢位墨西哥前鋒上仗獲休息機會，今場以最佳狀態出戰打吡。作客嘅銀河亦唔會輕易就範，賽前伊巴謙莫域就挑起口水戰：「卡路士韋拿29歲踢美職，我29歲仲喺歐洲搵食，高下立見！」當然「呂布」唔係得把口，佢今季都交出13個聯賽入球，今場兩大神鋒對撼，入球騷走唔甩。

墨超開鑼撐普埃布拉半和
至於墨超首階段開鑼，打頭陣有普埃布拉主場鬥迪祖亞拿。迪祖亞拿射手古斯達禾保奧離隊他投，鋒力削弱，加上近3次作客普埃布拉半場都同對手打和，半和值追；（周六早上8時開賽，馬會網上文字直播）仲有阿特拿斯主場迎戰祖亞雷斯，新升班嘅祖亞雷斯預計會死守望搶分，阿特拿斯質素一般，讓球客勝好路。

（周六早上10時開賽）