同日另外兩場直播賽事，鹿島鹿角主場鬥護級分子鳥棲砂岩。鹿角近期雖然3線作賽，但表現冇受太大影響，除亞冠及日皇盃分別殺入8強及第3圈，聯賽榜亦緊守第4位，只以5分落後榜首FC東京，保持爭標機會。鹿角主場相當穩定，除首戰意外不敵大分三神外，其餘8場攞到7勝1和，名副其實係聯賽主場王。

榜尾嘅砂岩護級水深火熱，「王子」費蘭度托利斯早前宣布下月掛靴，進一步打擊士氣，以佢哋近7場聯賽作客連輸5場嘅頹勢，今仗凶多吉少，一於熱捧主勝。（有線603及604台周六下午5時30分直播）

比馬士氣勁讓客值捧
至於頭場北海道札幌岡薩多主場鬥湘南比馬，岡薩多聯賽連盃賽近4場輸3場，狀態下滑，反觀比馬連續擊敗名古屋鯨魚及神戶勝利船，士氣信心返晒嚟，捧比馬讓球客勝。

（有線602及662台周六中午12時直播）